தேசிய ரீதியில் தடம் பதித்த எங்கள் மாணவர்கள்

மூன்று பதங்கங்களைப் பெற்று தேசிய ரீதியில் தடம் பதித்தது சாவகச்சேரி இந்துக் கல்லூரி. கடந்த காலத்தில் பல சவால்களிற்கு முகம் கொடுத்த யா/சாவகச்சேரி இந்துக் கல்லூரி மனந்தளராது தொழிற்படும் கல்லூரி முதல்வர் திருவாளர் ந.சர்வேஸ்வரன் அவர்களது சிறப்பான நெறிப்படுத்தல் மற்றும்  விளையாட்டுத் துறையின் பொறுப்பாசிரியர் மதனரூபன் அவர்களது வழிப்படுத்தலிலும்  இவ் வெற்றிப்யணம் சாத்தியமானது. 

கோலூன்றிப் பாய்தலில் (17 வயதின் கீழ்)
  1. செல்வன் புவிதரன் 1ம் இடம் (தங்கப்பதக்கம்) ஆண்கள் பிரிவு
  2. செல்வி ச.சங்கவி 2ம் இடம் (வெள்ளிப் பதக்கம்) பெண்கள் பிரிவு

கோலுன்றிப் பாய்தல் (19 வயதின் கீழ் பெண்)
  3. செல்வி கிரிஜா 2ம் இடம் (வெண்கலப் பதக்கம்)

            இவர்களை  கௌரவிக்கும் நிகழ்வு இன்று காலை 9.00மணியளவில் இடம் பெற்றபோது  யா/சாவகச்சேரி இந்து ஆரம்ப பாடசாலை அதிபர் , ஆசிரியர்கள் மாணவர்களும் கலந்து கொண்டனர்.
   வெற்றிபெற்ற மாணவர்களுக்கும் வழிப்படுத்திய அதிபர் , ஆசிரியர்களுக்கும்  எமது பாடசாலை சமூகம் சார்பில் வாழ்த்துக்கள்.
 

நூலகத்திற்கு புத்தக அன்பளிப்பு

அமரர் திருமதி. நாகேஸ்வரி  வெற்றிவேலு  (ஓய்வுபெற்ற  ஆசிரியர் ) அவர்களின்  ஞாபகார்த்தமாக எமது பாடசாலை நூலகத்திற்கு 700 புத்தகங்களை அவரது குடும்பத்தினர் அன்பளிப்பாக வழங்கியுள்ளனர். அவர்களுக்கு எமது பாடசாலை சமூகம் சார்பில் நன்றிகள்.