அமரர் சரஸ்வதி பொன்னம்பலம் ஞாபகார்த்த புலமைப்பரிசில் நிதியம் அங்குரார்ப்பணம்.

                        

                              எமது பாடசாலையின் முன்னாள் ஆசிரியர் அமரர் சரஸ்வதி பொன்னம்பலம் ஞாபகார்த்த புலமைப்பரிசில் நிதியம் 14.10.2021 நவராத்திரி தினத்தில் அன்னாரின் புலம்பெயர் உறவுகள் மற்றும் அவரிடம் படித்த புலம்பெயர் மாணவர்கள் , நலன்விரும்பிகளின் நிதி அனுசரணையுடன் எமது பாடசாலையின் பழைய மாணவர் சங்கம். சாவகச்சேரி இந்துக்கல்லூரியின் பழையமாணவர்சங்க லண்டன் கிளையினர் ஆகியோரின் நெறிப்படுத்தலுடன் உரிய யாப்புக்கள் தயாரிக்கப்பட்டு அங்குரார்ப்பணம்செய்து வைக்கப்பட்டது.

   நிதியத்திற்கான 5 மில்லியன்  பணம் சாவகச்சேரி மக்கள் வங்கிக் கிளையின் நிலையான வைப்பிலிடப்பட்டுள்ளது.  பாடசாலை வரலாற்றில் கற்றல் ஊக்குவிப்பு வழங்கும் நிதியங்களுள் இந் நிதியமே மிகப்பெரிய நிதியமாக விளங்குகின்றது.  இச் செயற்பாட்டிற்கு ஆக்கமும் ஊக்கமும் வழங்கிய அனைவருக்கும் பாடசாலைச் சமூகத்தினர் தமது நன்றியைத் தெரிவித்துக்கொள்கின்றனர்.

கண்ணீர்க் காணிக்கை

 எமது பாடசாலையின் ஓய்வு நிலை ஆசிரியரும்,
எமது பாடசாலை புதிய இடத்தில் (தாமோதரம்பிள்ளை வீதியில்) ஆரம்பிக்கப்படுவதற்கு உறுதுணையாக இருந்தவருமான  திருமதி சரஸ்வதி பொன்னம்பலம்(சரசுரீச்சர்) அவர்கள் 02/03/2021 அன்று மாலை லண்டனில் இயற்கை எய்தினார். அன்னாரின் குடும்பத்தினருக்கும், உறவினர்களுக்கும், நண்பர்களுக்கும் ஆழ்ந்த இரங்கலை தெரிவித்து  ஆத்ம சாந்தி வேண்டிப் பிரார்த்திக்கின்றோம்.